壞天氣

香港過去的三星期都係落雨....
原來我地已經分開左三個星期....
係我完全無留心春天的天氣 定係今年的雨季特別漫長?

過去的三個星期 我只係記得:
喝了一整個海洋的酒
流了一個泳池的眼淚
工作時間係睡眠時間的4倍
每日都望住個天由黑轉光

我同自己講 一定係天氣的關係
你以前成日同你的exs講你係weather woman, 會因為天氣的關係而心情差
見到太陽 你就會好過來

於是 我飛左去海南島
天氣好好 陽光普照 但我的心情無因為咁而放晴
當我要唔開心就不負責任地怪天氣的關係 咁點解我唔可以負責任地因為天氣好而開心?

繼續望住一片藍天轉黃 再變黑 再由天黑 日出 再轉光
愛情係唔係都一樣有cycle?
由好細個開始 我就同自己講 失戀 就係俾多次機會你restart黎過
分手就好似按著restart button 不廢一點力氣 從新上路
但我今次無去按下呢個掣
或者我係怕開住的docs無auto save, 或者係唔知個auto saved的file會放左晌邊
又或者其實係restart得太多 而從來都無整理好existing的文件

所以我決定restart前，不如先從新organize好現有的文件吧。

Restart的第一天

我，又忍唔住send message俾佢
我問佢 俾一年時間大家
俾一年時間去我去做一個更加好 真正值得佢愛的人好嗎？
佢話: sounds like a good plan
認真，呢一下我真係怕俾全宇宙的女權組織插
咁樣委曲求全 我簡直係丟晒女人的架

我將我的尊嚴 雙手奉上 換來一句: sounds like a good plan....

我將呢件事講左俾個朋友聽 佢話:"對個男人黎講 有個咁樣的offer, why not?"
一年內 如果佢搵到個 要同我斷絕來往 我係無仇報的
相反 如果一年看佢咁0岩又係單身 而我又肯走返佢身邊 佢係nothing to lose架

一個女人為佢退盡自己的底線 之後佢更加唔擔心你敢走

最重要係 呢單野係零cost的

講到呢到 我不禁想起戀愛中最fundamental的問題

究竟你會止蝕離場 定係買多2手溝淡 抑或係天真到覺得過一排會升返
升返之後你又打算keep住收息定係蠃左就走 見好就收?

我終於明白青姐當年見005跌到落$33會傷感落淚 揸住成手 都唔知點走好....

投資股票 我未至於會輸到喊 

但投資愛情 點解輸到渣都無我仲要去供股?

真係覺得有potential唔想放手 定無勇氣承認和講句'只能說我輸了' 

賭愛

識你的朋友都知道 你最憎賭錢 係因為你唔鍾意輸的感覺
Risk你可以take，但不能像賭大細咁樣 一鋪就輸晒
所以如果真係要賭 你會玩poker，自己的牌唔靚，人家氣勢迫人 你隨時都可以fold.
呢鋪不夠運 就等下一鋪 輸左個本 但對自己講好快會蠃得返

一個人生活上的選擇 往往反映左佢地的喜好。
男人喜歡溫柔的女生 所以長頭髮女生會比短髮的popular.
女生喜歡成熟男生 所以都偏好找年長的，就以為年紀大等如成熟...
每個人在成長過程 總會搵一D野去associate with 另外一D野...
相信每個人都會因為人地一身名牌而judge人地貪慕虛榮
又或者知道人地同幾個人上過床而話人地濫交

你已經交代了  唔鐘意賭 只係因為怕輸
但原來當知道任何情況底下你都唔會輸 你就會賭 而且賭得極狠
跟他一起相處的日子 你清楚知道呢個男人係全心全意愛你 對你好
就算大家玩poker，佢拎住一手好牌 都會為左你開心而fold.
就係佢咁樣縱容你 你就愈來愈自我 好牌或者爛牌 照跟，照bluff，照all-in
你以為佢會好似之前咁讓你

今次 佢看透了 累透了 要輸掉自己讓你快樂 佢唔快樂.
派埋最後一隻牌 宣佈你真的輸了 你問佢可唔可以洗牌從頭來過
佢好冷靜地話你知 你已經輸得一敗塗地

愛情除了運氣 亦要有自制能力 不要迫得太緊
如果一個人生活選擇係反映喜好
'因為你自私任性 所以現在 只剩下你自己一個人'

序

從頭看一次過去十多年前的手寫日記
你發覺 拍拖對你來說只係一個機會遊戲
timing 0岩，佢0岩，你0岩 唔需要有強烈的好感就可以一齊
佢tum得你開心就一齊 唔開心就分手換個補上
你有幾分姿色和年輕 你有得揀

由一開始 你就知道你最愛係自己
就好似春嬌個friend同佢講"人生流流長 總會愛上幾個人渣"一樣
人生流流長 總會遇到幾隻小白兔去同你玩呢個屬於你自己的遊戲。

幾年後 你發覺遊戲規則是時候需要改變一下
你終於交出真心的認真愛一個人
但原來 2個人一起相處 是要經營的
你 驕傲得無可救藥 為了一切要在掌握之中 你 又返到原點

再過了一段時間 你終於遇到0個個你所謂的最愛
從0個日開始 你的世界只有佢
你掏空了自己的心 給了他 你亦期望他會掏了他的心 交給你可惜佢愛你 但更愛自由
他走了 你哭了 眼淚足已注滿一個泳池
日子變得行屍走肉
看了無數個日出 喝了一整個海洋的酒
中間的日子 你找了新人去嘗試代替舊人
你望著他找不到舊人的影子 卻發現你自己變成跟舊人一樣
語氣 說話 小動作 原來你沒有放低過他
新人就這樣犧牲了 而你又再過著行屍走肉的日子
你知道 時間會治癒所有傷口 所以等日子一天天的過 你就會慢慢地好起來
睡不著 就喝一點酒
不開心 找朋友去玩
悶了嗎 四處去旅行
過了一千四百多天 你終於回復過來

遇到他 一開始你小心翼翼去愛 因為你怕又再受傷
跟他在一起 你覺得開心就好
你從來跟他一起從來都不會讓步及妥協 因為他會遷就你
他很愛你 所有都聽你的
慢慢 你開始take it for granted 你在那關係裡 橫行無道
你很愛他 所以一切你都會坦白跟他說 但原來都是要他去配合你
終於 他灰心了 他離開了你

十三年後 你重溫了過去一次 然後你問 你還是最愛自己嗎?