大愛

我承認 我係一個好自私的人
對於我本說 最痛莫過於知道前度已經move on, 有新女朋友
以前的我 一定會freak out狂鬧
"又話好愛我 又話愛的一生一世 頂你個肺.....jdahiohifnlwpifbqkmlfhiod"
原來忘得了承諾真係一個令自己快樂的重要因素

今次 我的冷靜令我自己都吃了一驚
朋友跟我說: "你的前度有新女朋友喇"
"你點知呀?"
"facebook 有相囉"
"哦.....係呀，俾我睇下...."
睇完後
"哦.....咁咪好囉，希望佢幸福快樂"

其實 我好想在佢身邊0個個係我
有時候 我都會好掛住同佢一齊安穩的生活
但細心想一想 唔係同佢分左手 我唔會去左韓國 唔會變左咁多

我學會了珍惜
雖然已經不能在他身邊珍惜他

我學會了大愛
原來會祝福分開了的人內心更快樂

Self Control

一個人的自制能力反映了性格
要做一個人見人愛的女生 先要好好學習自制 再在不同範疇中練習

我好欣賞前度的其中一樣野 就係佢好有自制能力
說好唔做的事 就一定不會做 而且做事好有分寸

我零自制力的弱點是生命一個嚴重的絆腳石
很多時 因為沒自控 生氣時便亂發脾氣 忽略了身邊人的感受
出去玩時 又因為沒自控 酒喝多了煙又抽多了 完全不在乎身體和健康
我知道 自控不可能一下子就會由無變有
更不要說能收放自如地好好控制情緒或戒掉惡習
除了自己要訂下明確目標 還有就是要有堅定的意志去配合
當然環境及身邊朋友的支持也是十分重要啦
無奈身邊熟的都是有醉今朝醉及活在當下的朋友
加上從office到LKF的路程只有十分鐘
我不是為自己找藉口 我試過太多次都失敗
Peers pressure對我好影響真的很大.....
(如果早15年前我我能察覺及提升 相信今天我已是一個非常成功的人)

在香港剩下的日子 多看書 做多一點planning 到韓國時便要實行
自制是一種自愛和自重的表現
相信一個新的地方可以帶給的brand new start及正能量
My dearest friends, 沒有你們 我會做得更好 :P

昨天打完泰拳後 今天動彈不得 肌肉超級酸痛
但明顯看得出腹部firm了的線條  真係no pain no gain

之後的路 就算再痛我都會好好走下去 活得漂亮

流汗不流淚

分開差不多2個月了 我漸漸習慣一個人生活

最難過的weekend 亦被我fill滿了活動
下午去完沙灘游水 晚上十點 我仍然有力去跑步....

想起他時 我就會去跑步

以前我好懶 跟佢跑一陣就會扭計話好累唔跑

又或者搵好多excuses呢到痛0個到痛
好多人 天氣好熱 好口喝 好頭暈

通常佢都係有得我 自己一個完成 而我就晌後面慢慢行.....

同我地拍拖時一樣

我總係鍾意搵十萬個excuses去放棄佢

晌我心目中 我總係覺得佢唔夠好 或者可以做好D

但我唔係去motivate佢 而係得閒就嗌下分手

到慢慢相處耐左 接受左佢整個package後

原來佢已經慢慢放手 放棄呢段感情 放棄我

無錯 愛情路上佢都係有得我 自己一個人走

繼續慢慢走 我catchup唔到前面的你 或者去唔到再遠

現在你不在我身邊  那就self-motivate自己

一直跑 額上的汗水留到眼簾 去代替眼淚

愛 真的得來不易 但我不會懶惰 

與其流淚 不如流汗
練習去克苦 練習向前走 練習不放棄

你知道嗎 每次我聽no doubt的running時 都會在想你.

矛盾

我知我寫得好似好放得開 或者寫到自己已經放低左

但deep down我都會有掛住佢的時候 但掛一掛 想一想就好
以前的我，一定會係:

每日一早起身 跟自己講要活好每一天 自己一個人也可以快樂

辛苦工作後 到了晚上就會變脆弱

問自己每日努力工作 做好自己係為D乜 

開心的 沒有他分享 不開心的 沒有他分擔

女人的心情就係咁矛盾 矛盾過後 又會自完其說

‘無左佢唔會死 不過有佢晌身邊會更加好’

‘既然分開 就證明佢唔係mr. right，何苦要為路人傷心?’

‘如果係meant to be, 一定會一齊返。Be patient. ’

去到weekend，情況更惡劣 會胡思亂想到走火入魔 

心裡頭就會諗 其實佢係咪已經有新的另一半

所以佢唔會每一日過得辛苦

所以分手後一個message都唔會send俾你

甚至會想到 其實佢係無從來都無愛過你 所以話放低就放低.....

係，女人天生都鐘意做女主角 這台戲人愈淒美 愈覺成功

我依然會有矛盾心情

但已經唔會咁令自己失控
多出時間 就休息多點

睡不著 就找個興趣

時間仍然好多 咁就多找幾個興趣

將來的你 一定會感激現在努力學習好好處理情緒的你

收拾

螞蟻搬家 多謝B哥幫手 如果得我自己一個 都唔知要搞幾耐.....

返到屋企 我的心情放鬆了很多
最近 同事借了一本＜遇見未知的自己＞俾我睇
現在的時間感覺上比以前多 所以一口氣一個weekend睇晒
一本好簡單易讀的小品 睇完後 內心出奇地平靜
我以為自己是個易滿足的人
但我要好多物質上的享受 令自己快樂
又要我的另一半 去compromise令自己幸福
無錯 都是建於外在及別人身上 極之shallow
一次分手 我以為幸福快樂已溜走

過去發生了的事實 不能改變 往前走是一定的啦
書中提到「親愛的，外面沒有別人，所有的外在事物都是你內在投射出來的結果。」
如果我的mindset不一樣 project出來的都會不一樣
因為我太保護自己 往往待人接物都令人感覺好有敵意
簡單的例子
見到同事黑臉 我會首先declare唔係我激嬲佢 置身事外
instead of 去關心去問佢仲乜事臉有難色
Project出漠不關心 我又怎能expect人家給我關心

呢個世界已經太多苦命人自怨自艾 根本唔需要多一個我去amplify
我唔係要去改變自己 變成一個偉大無私的人
而係找回真正的自己及內心的喜悅 令自己活得自在

一年買了30幾對鞋 在Toronto亂買的衣服
還有幾年都用不完的護膚品 對於我及我的蟻竇實在太多了
我想我已明白 “快樂不需要物質打造”的道理
先好好收拾自己的心 再慢慢收拾好其他的吧!

醉痛

每次分手 我都會提醒自己 記得唔好

- 睇返拍拖時影的相及send的emails

- 聽情歌再對號入座
- 搵再前一度或幾度 望愛火重燃

- 飲酒

酒精簡直係失戀的止痛藥
回復單身最辛苦的時間應該就係訓晌床等訓著

初初我幾星期 我以為可以擺脫酒精 無一晚我可以訓超過4 hours.
面對每日繁忙工作再加唔夠訓真係好torture..

其實我好鐘意飲酒
記我同前度一齊時 我經常因為工作不如意的關係 係咁飲酒
飲完 我可以無理地發脾氣 再好好訓一覺
第二日 我可以忘記得一乾二淨
如果他追究 我就跟他道歉說飲醉左
好似一個vicious cycle - 每日都將壓力累積再累積 之後再爆

分手後 我想戒掉用飲酒麻醉自己的方法
可憐我的意志係極低
酒精係止到短暫的痛 但每日酒醒後更痛
Panadol一日再多都只可以食8粒
我諗每一晚2支wines應該maximized

一個人的好 就係我可以學習了解自己
與其去止痛 點解我唔了解一下 點解會痛?
我發現 真正的痛唔係分手帶來的 而係抑壓了一輩子的所有不快
分手後 我把這些不快去放大 覺得自己一個人好慘
唔開心 飲酒 飲醉 到最後都係要一個人解決

他去離開 係要我學識點樣為自己的情緒去負責任
2 sides to a story, 半杯水 是半滿還是半空  就留給清醒去選擇

學習習慣

分手後 我相信同一般人遇到的問題都係一樣
唔習慣
唔慣跟自己獨處
唔慣無人聽自己訴苦心
唔慣要去想一個人可以食D乜
唔慣晌戲院無人俾你依傍
唔慣為自己的快樂負責任


習慣左一樣野 無左會唔慣，唔慣耐左 會習慣
我以為擁有小強一樣生存意志的我 係可以好快適應到 好快就去習慣
去改變習慣好辛苦 但當然唔會無可能

只係會忍唔住問自己 點解慣左開心要習慣唔開心
差不多一個月了
你發現 原來他已習慣生活無左你
他習慣了一個人獨處
他習慣一個人都可以很快樂
然後 你不會再問 就只有慢慢的學會習慣

原來你最習慣就是不為任何人停步

一年後 希望你會學識
習慣 令自己快樂
習慣 為自己每一天負責任

賭愛

識你的朋友都知道 你最憎賭錢 係因為你唔鍾意輸的感覺
Risk你可以take，但不能像賭大細咁樣 一鋪就輸晒
所以如果真係要賭 你會玩poker，自己的牌唔靚，人家氣勢迫人 你隨時都可以fold.
呢鋪不夠運 就等下一鋪 輸左個本 但對自己講好快會蠃得返

一個人生活上的選擇 往往反映左佢地的喜好。
男人喜歡溫柔的女生 所以長頭髮女生會比短髮的popular.
女生喜歡成熟男生 所以都偏好找年長的，就以為年紀大等如成熟...
每個人在成長過程 總會搵一D野去associate with 另外一D野...
相信每個人都會因為人地一身名牌而judge人地貪慕虛榮
又或者知道人地同幾個人上過床而話人地濫交

你已經交代了  唔鐘意賭 只係因為怕輸
但原來當知道任何情況底下你都唔會輸 你就會賭 而且賭得極狠
跟他一起相處的日子 你清楚知道呢個男人係全心全意愛你 對你好
就算大家玩poker，佢拎住一手好牌 都會為左你開心而fold.
就係佢咁樣縱容你 你就愈來愈自我 好牌或者爛牌 照跟，照bluff，照all-in
你以為佢會好似之前咁讓你

今次 佢看透了 累透了 要輸掉自己讓你快樂 佢唔快樂.
派埋最後一隻牌 宣佈你真的輸了 你問佢可唔可以洗牌從頭來過
佢好冷靜地話你知 你已經輸得一敗塗地

愛情除了運氣 亦要有自制能力 不要迫得太緊
如果一個人生活選擇係反映喜好
'因為你自私任性 所以現在 只剩下你自己一個人'