你是我的一面鏡

又一個weekend, 又一次出走
passport剛在這星期renewal 得張回鄉咭的我 只好去偉大祖國散心
感激在國內工作的朋友帶我去玩 今個星期真係過得苦

早幾日 跟朋友的前女友出去飲野 而被朋友狠狠地鬧左獲
因為2個被遺棄的女人俾人覺得會講盡前男友的壞話掛? 我無深究亦無追究
之後 因為朋友生日 收到前男友message叫我唔好去0個個birthday party啦，因為佢要去
睇完佢message，除左唔開心，仲好心寒
分手後 比變成陌生人更可怕 因為我唔會同陌生人講叫佢唔好晌我面前出現
但我的前度無賦與我基本的人權
係ge, 大家分開左 應該以自己感受行先 但真係要唔理會對方感受咩?
我讓步 我後退 佢唔想見到我 我唔去 失戀無令我變懦弱 而是令我更溫柔

講返friday night out, 我識左一個男仔 訓醒就收到佢message "miss you so much"
我問佢 你連我落左妝的樣貌都未見過 點樣可以miss me so much呢?
"just want to say it, feeling is feeling, and i really mean it" 佢答我
之後佢再繼續講 話我應該要俾機會自己 打開個心先可以感受得到佢的真心...
天呀!!!!
叫完出後之後 我知我唔可以同佢正常溝通 我send左一個極長的message俾佢
"When I talk to you I really feel like talking to myself 2 years ago. I was just like you, when I feel like it, I want to have it. When I want to have it, I try my best to get it. But now, I would rather to understand why I like it at the first place, to understand myself if I want to have it or not and how can I have it and try not to lose it again"

對住呢個咁心急的男仔 就好像照住一面鏡
分手後 我試過迫前度同返我一齊 就好似呢個男仔迫我打開我個心俾佢一樣

下一段戀愛 我會好似我覆佢的說話一樣，很多事情 絕對係心急不來的。
當然包括healing及再一次戀愛。

前男友

我認識他那年 16歲 當時他只有17歲
同佢相處的日子唔長但好快樂  好快我地就無疾而終咁分開左.....
正確黎講 應該係當時我要2揀1，而我放棄左佢
一個好的一個壞的 16歲腦筍未生埋的我 當然要個壞架啦

雖然我地分開左 但呢個前男友 穿插住晌我過去十年的日子
每一次分手了 我第一時間會想起佢
奇怪係  每次佢都會盡量出黎陪我
每次走的時候我都會依依不捨 走了 我又會send個message話 "不如一齊返啦"
無幾耐 我又再拍拖 又無再聯絡
之後 又分手 又想起佢 又見面 我又會再問 "點解唔一齊返woh?"
如事者 好快我又再拍拖 我地又再一次失去聯絡


其實我有時都會諗 點解每次都想搵佢
咁多年 我同自己講佢係我最想要的人 因為佢從來都無拋下我唔理

最後一次見佢 係晌朋友的婚禮遇上
髮型改變了 留了鬍子 回想佢由一個男仔 變成咗一個男人
過去十年 我一直搵緊一個男人同我可以grow up & grow old together
原來  他一直都在

再一次失戀 但唔會再問佢同一個問題
佢注定係俾唔到我要的愛情給我
我終於明白 愛一個人係唔需要一齊
愛一個人只係想見到佢幸福快樂
愛一個人係當佢唔開心 借肩膊 有困難 幫佢擋子彈
多謝你 令我明白愛情 明白到 我地係唔會分開

逝去感情如Volar

近幾日先知道, Volar上星期closing party
唉 失戀 令我變到對所有事情都唔敏感 連Volar closed都遲左咁多先知...

Volar, 一個帶俾我好多回憶的地方
曾經遇過前度的現任野蠻女友 差D打交
亦跟曾經好姐妹的女朋友因為誤會而真係打交
最後 仲俾人bad listed一年先可以再入返去
仲有就係26個月之前 晌0個到認識左剛分手的他

認識的一刻 我同自己及朋友們講 佢只係我人生一個過客
一個晌Club認識的男仔 你覺得佢對你有將認真
同樣地 佢都唔會覺得你認真
真愛未必要去教會搵 但一定唔會係晌club到遇到....

一開始 我話唔想拍拖 我唔想受傷
過去發生過太多不愉快的愛情 我未ready好去愛
幾個星期相處後 我問 不如相處三個月再睇下會點
三個月 以為會好像放暑假一樣 放完就會從新開始一個學期
但原來人真的很懶惰 愛慣了 就想一路繼續愛
轉眼就一年 這應該是我最快樂的一年
從來不用擔心 因為知道有你在

以為日子會一路開心地過下去 但原來我的快樂建築左晌你痛苦之上
感謝你帶給我所有開心回憶
本來的決定 只係遲左21個月發生 你真係我人生的過客

Volar的official page說只是renovation, Volar會再重開 以新的面目再見大家
逝去感情 多快樂 多不捨 都要說再見
我唔怕再晌club到認識另一個你 下一次 我會愛得更好。

每月最痛的一天

做女人 好似天生出來就要受多一點苦
成日都聽到女朋友說唔方便 唔想出街 甚至有D痛到街都出唔到
慶幸其實我身體唔錯 好小病痛及無這個每月幾日，為期三十年的生理痛楚

無辦法啦 因為我地比男人更reliable，所以神就俾多樣job duty我地
imagine如果係男人去負責呢件事 宇宙早在幾千年前應該已經overloaded

這兩天 沒有PMS的情緒失控 但卻無原因的極度depressed
望望calendar, 原來到左每月最期待的日子 - 拍拖紀念日
由每月最期待變成最想逃避的一天
每月的紀念日都是一個原因去慶祝 去提醒大家又愛多一個月
在schedule記下來26個月，27個月，28個月....
我以為可以好似法定假期一樣  所以早在年頭已寫低

該紀念日已變成reminder 提醒你從新面對生活 放低對過去的依戀
要承認感情已經告吹 要承受心理上的痛
生理痛 無得選擇 但可以靠食止痛藥 令痛楚減少
心理痛 是要自己去練習堅強 學習成長
由而加開始 我可以選擇 讓自己的心去痛一天 記掛過去
定係放自己一日假 讓自己明白當初佢決定跟你戀愛 給你每月一日紀念日原是得來不易

我沒有宗教信仰 但卻享受到Easter, 佛誕及Christmas 呢一些宗教帶來的假期
愛情從來不是宗教 但他卻給我那紀念日假期 讓我學習自處。