韓國Working Holiday之準備(II)

Visa準備好之後, 迎面而來的就是一連串生活問題了
我是一個沒安全感的人 只有好好預先計劃 才能令我感覺好一點

1) 韓國租樓 - 考試院 / Share Apartment

去那裡都好 有瓦遮頭的概念十分重要的
韓國租屋要交一筆大額的保證金 (大概3million krw至10million krw)
可憐晌香港已經在職貧窮的我, 相信一年韓國生活 只可以揀一個便宜地方去落腳
為求盡快學好韓文 我揀左同韓國人share flat
http://seoul.craigslist.co.kr/roo/ 
希望晌daily conversation佢可以幫到我啦～～～～～

如果想要多D privacy又要配套好的話 租考試院(고시원)都係一個唔錯選擇
但都要小心D揀 有睇到D forum話有D landord會衰到襯你出左去開門爆格....
http://goshipages.com/
呢個網站搵的考試院comment都不錯的...

2) 兌換韓幣
我一落機就會直接去租的地方，所以要俾按金加租金
還有申請I.D.咭，電話上台/pre-paid咭，開銀行戶口，買日用品.....真係樣樣都係錢
所以要晌香港兌換一定金額的韓幣
check HSBC個rate係0.00705, 但中環的百年就有0.00711 (相信應該全港兌換率最好)
http://bcel1985.blogspot.hk/
百年長時間都係排長龍的....建議打電話去預訂, 下午3:30pm後去pick up唔駛等咁耐!

3) 離港前必備物品
如果晌韓國stay over 90日，就要apply身份証, 可以到以下網站下載及print張form先
http://english.seoul.go.kr/lh/residence/registration.php
做身份証要3張相...因為去到真係唔個晌邊有得影，帶埋去穩陣D!!!
電話ipad laptop ipod......樣樣都要用電，建議晌香港買定轉頭，韓國用的插頭如下:

I am ready!!! 準備出發......

原來我只可以將對他的所有思念 記在這裡

一個人

一個人晚餐，一個人看書，一個人溫習，一個人跑步
一個人去做以上的事 平常不過吧
一個人去過自己喜歡的生活 做自己喜歡做的事 應該要開心吧
但我仍是不習慣 沒有不開心也沒有開心
只是有些信念是改不了的 我信 兩個人總比一個人好。

聽說 去培養一個習慣 或去戒掉一個習慣 需時21日
已經過了3個21日了 為何仍會想念他...

媽媽最近很喜歡看韓劇 就連吃晚飯的黃金時間她也獨霸電視
難怪TVB黃金時間的收視也插水啦
老實說 韓劇真是很擾人的
人生真的會dramatic到深愛的人竟然是有血緣關係的哥哥?
或是快要結婚時 發現未婚夫爸爸是殺死自己爸爸的凶手?
不然就是突然發覺自己有眼癌 不想做對方的包袱而突然失踪?
不會吧? 世界真的這麼亂嗎? 這麼不幸嗎?

今天跟家人吃飯 看到一幕就是男主角想做一個更好的人
跟女主角說分開2年 2年後，他會成功，他就回來娶她
女主角說不要分開就讓大家念掛 灑脫分手
2年後 如果有緣 大家仍是單身，仍愛對方就結婚
我了解 男方說的是真心 女方說的是善意 但不明白為什麼一定要分開才能讓大家變好
飯 我吃不下去 韓劇的劇情 真是很擾人。

我們的分開是讓我變好的一課？
是否能過渡18個21天 我能習慣一個人時 我就會變得更好


如果分開是一個測驗 也請告訴我合格的標準

韓文輸入法

當我用GJC Rojama時打"었"的時候 , 打'ㅇㅓㅅ ㅅ '只可以出到'엇ㅅ'

於是我好努力上網搵 發覺大部份的都只係介紹用window打韓文.....

半日時間 我work out左點樣用GJC喇 決定分享下出黎俾MAC USER
在我的macbook安裝了兩個韓文輸入的program - 2-set Korean & GongjinCheong Rojama
先說2-set korean，其實個mechanic好似打倉頡咁 晌鍵盤上的每個字母代表個音節
例如你想打'안녕', 就會係'dkssud'，如果要打ㅆㄲㅃㅉㄸ按住shift+鍵盤字母就可以喇!!!
好處就係習慣了就可以打得好快 但初初要去習慣背音節表真係唔易
睇其他blog話amazon係可以買到韓文的鍵盤貼紙 睇住黎打 打得多就慣lah!!! :P
(當年都係睇住有倉頡輸入鍵的鍵盤配合狂煲ICQ 今日打中文先咁快)

配上韓文鍵盤一個作參考

而我自己比較常用的是GongjinCheong Rojama，就好似注音一樣 拼音打字
我學習韓文的方法是記讀音的 所以比較方便 又唔駛望住個blank的鍵盤搵餐懵
同一例子 要打'안녕'的話，就係'ngannyeong'喇
打難小小的字，如'덟'，都係在鍵盤按'deolb'就會出到喇:)
注意:就係ㅇ在vowel之前是不發音的，都要打"ng", 而ㅊ(ch), 打就可以搵到
ㅚ 雖然拼音是似weh，而看上來應該是打ㅗ(o)+ㅣ(i)對嗎? 但其實要打'oe'才找到...

去返我一開始的問題，咁'었'點打呢.....
原來跟GongjinCheong Rojama跟2-set Korean一樣，按著shift+鍵盤字母即可
我也有豬頭的時候 但總算figure it out到。
재미 있어요!

我喜歡用文字記低學習過程帶來的滿足感:)

韓國Working Holiday之準備(I)

唔成日都咁sentimental喇....
今次等我分享一下去韓國working holiday申請VISA啦

Stage 1.交文件
首先要去到韓國領事館website download Visa application form -

http://hkg.mofa.go.kr/english/as/hkg/visa/download/index.jsp

填好Application form, 另外準備一張passport相，在韓國的year plan及Bank statement證明戶口於過去3個月平均流動資金要有HKD$20,000.
寫yearplan係有小小Tricky的，第一次我用point form分左12個月寫，例明每個月會晌韓國邊到同有乜野景點會去 但都俾佢打頭回, 因為我只係講左holiday 0個part。最後要加埋點解會join呢個scheme & 點樣activate個plan...(簡單來說 佢都係想知你點晌韓國搵錢.....).
我從來都無打薄習慣，問bank拎statement佢地又要收charge, 所以我只係在online banking print出來.....好彩順利過關:P

之後，將準備好的文件交到以下地址 :
Consulate General of the Republic of Korea in Hong Kong
Address: 5/F, Far East Finance Centre, 16 Harcourt Road, Admiralty
Telephone: 2529 4141
注意: Apply Visa只限早上9am-12nn

交齊所有野 大概兩星期內 就會收到Email通知你first stage完成Email入面，佢要你兩星期準備機票及旅遊保險.

Stage 2.交Passport, round-trip ticket及Insurance

領事館除了要Check Passport Expiry date，還有要交低給他們做Visa的。

去旅行社Check過CX, Korean Air及Asiana 一年都要起碼$4,xxx+tax。
最後上左Jeju Air訂，比出面平around $1,000 :D
http://en.jejuair.net/
注意: Jeju Air只可攜帶1個hand carry及20kg行李寄倉，如果冬天過去 可能就不夠了...
因為In advance book ticket係book唔足一年的 還要注意改機票的附加費.

身體十分健康的我 旅遊保險就揀左AIG最generic的計劃，一年都只是USD$238.
http://www.aig.com.hk/travel-annual-workingholiday_1930_392682.html
填好form之後，fax/email返AIG，大概一星期保單及insurance card就會寄到府上。
注意: 保單及card記得要帶埋去韓國.

將文件副本交齊晒 大概一個星期，就可以返去Pick up貼上H-1 Visa的Passport喇!!!

Visa做好後 三個月內就要出發喇!! :)

愛的水泡

因為寂寞 因為怕悶 因為佢追求 因為佢對我好
成為了我們一起的原因
但我想不起有沒有向他真心的說過一句‘我愛你’

我說過 以前拍拖對我來說是一個機會遊戲
時間人物地點 就係能夠在一起的criteria 
我single, 佢出現在我附近 令我們走在一起

老實說 我已記不起跟他一起的故事 沒有什麼很難忘
只記得每天都有個人接送 睡覺時有個人可以攬
日子就如常一天一天過去 後來我發現 18歲的我 不喜歡安穩日子
認識一些新朋友 開始LKF爛蒲生活 生活多姿多彩
最後 我認識了一個在澳洲的ABC 跟他分手
我寧願要一段不實在的long distance relationship 都不想跟他在一起

但分手後 沒有女朋友的義務 但我仍然要求有女朋友的權利
我是認真的自私 因為知道他還愛我 我便take advantage of him.
long D唔work out 一段接一段的short term relationship
每次的空檔期我就找他來陪我

當年 我天真得以為被愛是必然的
所有 都是以‘我’做出發點的 他要陪我因為我悶 他要對我好因為我習慣了他對我好
從頭到尾 我知自己自私任性 但都是怪他賦予我行使權利


肥仔 我不能跟你說我愛你 但我欠你一句對不起。
我知道你會是一個很好的老公 答應我 要跟未婚妻好好的生活

Self Control

一個人的自制能力反映了性格
要做一個人見人愛的女生 先要好好學習自制 再在不同範疇中練習

我好欣賞前度的其中一樣野 就係佢好有自制能力
說好唔做的事 就一定不會做 而且做事好有分寸

我零自制力的弱點是生命一個嚴重的絆腳石
很多時 因為沒自控 生氣時便亂發脾氣 忽略了身邊人的感受
出去玩時 又因為沒自控 酒喝多了煙又抽多了 完全不在乎身體和健康
我知道 自控不可能一下子就會由無變有
更不要說能收放自如地好好控制情緒或戒掉惡習
除了自己要訂下明確目標 還有就是要有堅定的意志去配合
當然環境及身邊朋友的支持也是十分重要啦
無奈身邊熟的都是有醉今朝醉及活在當下的朋友
加上從office到LKF的路程只有十分鐘
我不是為自己找藉口 我試過太多次都失敗
Peers pressure對我好影響真的很大.....
(如果早15年前我我能察覺及提升 相信今天我已是一個非常成功的人)

在香港剩下的日子 多看書 做多一點planning 到韓國時便要實行
自制是一種自愛和自重的表現
相信一個新的地方可以帶給的brand new start及正能量
My dearest friends, 沒有你們 我會做得更好 :P

昨天打完泰拳後 今天動彈不得 肌肉超級酸痛
但明顯看得出腹部firm了的線條  真係no pain no gain

之後的路 就算再痛我都會好好走下去 活得漂亮