近日 聽到一個朋友講 無意中睇到佢男朋友cheat on佢的證據
佢男朋友唔記得logout email，而佢咁0岩當日用電腦時 睇晒
咁0岩佢無logout, 咁0岩你用佢電腦, 又咁0岩佢將所有罪證放晒晌email
我同佢講 或者呢個係個天俾你的sign。
我成日都好唔明點解要cheat....
如果兩個人係相愛 一段感情唔應該會多過2個人
或者係我個心太細 只可以放到一個人
每一段關係 我都會全程投入去愛
但當然我都有試過 放唔低之前的一個 又同新一個開始
揹著前度回憶 抱住新的
不知不覺 你會期望身邊0個個 語氣說話 對你的態度好似之前0個個咁
又或者 你的語氣態度會好似你的前度
你認為前度令你快樂 你會模仿佢 試著令身邊的他快樂
事實係 你地大家都唔快樂
佢永遠都唔會做到你心目中的一百分
你愛的 是前度留給你的點滴
愛情替身 傷害咗自己 更傷害咗人
未確定放低前度 就習慣一下單身
到佢唔會再晌你腦海出現 或者遇到一個令你唔會再想著前度的人
你就可以準備再一次戀愛
天網恢恢 說穿了 瀟灑放下
親愛的 你值得一個完整的心
原來愛情的世界很小 小到三個人就擠到窒息