不要說再見

呢幾日 用盡所有力氣去喊

我屋企有隻老狗 佢叫Ted，最近 他病入高肓 眼&鼻成日流血
因為細佬晌台灣的關係 我唔敢帶Ted去vet，我怕細佬見唔到佢最後一面
結果 我只可以望住呢隻老狗 無助地喊......

生老病死 一個不變的cycle 生命總會有盡頭的一日
唔知幾時開始 我懦弱 唔想亦唔敢去面對
令我最害怕的感覺係 由奄奄一息 你喊到肝腸寸斷
到無左呼吸 面對住一具冰冷屍體 愛的感覺變成心寒

相信大部份人都會講 
活在當下 珍惜每一天及現在所擁有 就叫死而無憾
但如何勇敢面對死亡呢一課 究竟要點先會學識?

我好掛住佢
我唔想一個人面對

我的最愛

一直 我都以為我最愛係佢 

直到要recap一次 原來我唔睇返email, message及chat history 我根本就記唔起佢

時間 真係可以醫好所有傷口

五年前 經朋友介紹認識
當年25歲的佢 年青有為 做Investment bank 一個人住Caine Road 

佢鍾意煮野食 佢鍾意fashion design 佢鍾意做義工
佢鐘意用盡所有時間做佢自己鍾意的事 

佢愛我 但佢唔會將所有時間都俾晒我

就算我生日前夕 佢會選擇同朋友出去party 之後先同我慶祝

佢對我的愛 好像絢爛的彩虹 看起來很美麗

當年23歲的我 超任性 愈係得唔到 就想要得到愈多

我愛佢 我陪佢做所有佢鍾意做的事 我將整個自己俾晒佢

我對佢的愛 像倔強的荊棘

曾經 我成功將佢綁晌自己身邊 以為咁樣就係愛情

最後 我太用力去愛令佢窒息 一段感情 就咁枯死

中間的日子 

佢試過俾佢我電話佢新女朋友打黎鬧爆我

佢試過飲醉就打黎叫我上去佢屋企

佢同我講雖然唔可以一齊 但仲係好掛住我

我搵十萬個原因去繼續愛佢

同自己講因為佢都唔捨得 所以先會咁對我

同自己講真正的愛情要經歷一千個考驗

用左3年零8個月 我終於可以真真正正地放低佢

佢可能曾經愛過我 但佢更愛自己

錯的時間遇上對的人 5年後 我地再講返野 默契還在 感覺親厚
如果當年我地成熟一點 佢照顧多一點我感受 我給他多一點自由
唔知而加我地又會點呢?

Daaaaah, 多謝你給我最痛最絕望的日子 現在的我 沒什麼捱不過了.

Baaaaah :P

矛盾

我知我寫得好似好放得開 或者寫到自己已經放低左

但deep down我都會有掛住佢的時候 但掛一掛 想一想就好
以前的我，一定會係:

每日一早起身 跟自己講要活好每一天 自己一個人也可以快樂

辛苦工作後 到了晚上就會變脆弱

問自己每日努力工作 做好自己係為D乜 

開心的 沒有他分享 不開心的 沒有他分擔

女人的心情就係咁矛盾 矛盾過後 又會自完其說

‘無左佢唔會死 不過有佢晌身邊會更加好’

‘既然分開 就證明佢唔係mr. right，何苦要為路人傷心?’

‘如果係meant to be, 一定會一齊返。Be patient. ’

去到weekend，情況更惡劣 會胡思亂想到走火入魔 

心裡頭就會諗 其實佢係咪已經有新的另一半

所以佢唔會每一日過得辛苦

所以分手後一個message都唔會send俾你

甚至會想到 其實佢係無從來都無愛過你 所以話放低就放低.....

係，女人天生都鐘意做女主角 這台戲人愈淒美 愈覺成功

我依然會有矛盾心情

但已經唔會咁令自己失控
多出時間 就休息多點

睡不著 就找個興趣

時間仍然好多 咁就多找幾個興趣

將來的你 一定會感激現在努力學習好好處理情緒的你

倒數50天

相信剩下的每個weekends應該都係執屋.....

出走一年
不能帶的也不想留
想帶走的又怕有太多
帶不走又想留 要開始諗點樣store好

有些東西 不會再用但真的不捨得丟
當年唔食 都要儲錢買$880的Tee 畢竟是成長的證據
仲有買名牌飾品附送的branded精美禮盒...awwwww.....

中學時代最hit的傳紙仔 黃了 霉了 還是一箱箱的放在櫃裡
真係超amaze點解自己可以咁9唔搭8 但收信人仍然明白你講d乜

還有於影會十年前開始掘起時初做model收番來的一張張未ready好的衰樣相
當年D龍友未有咁picky 靚唔靚係其次 最緊要有野俾佢影
今日的0靚模 就係靠我十年前都努力而煉成架喇 hahahahahaha


算啦 不捨得也要捨得 有捨, 有得．
(今晚即刻搵個化寶盆燒Q晒D相去.......)

失戀旺季

就當我single而過份sensitive吧 但真係近呢2個月 身邊好多朋友都失戀

係唔係借對方取暖 捱過冬天後 就願意給雨水把愛情都沖走?

氣場關係 把失戀的朋友都拉近了

跟朋友reconnect 成為失戀的副產品

每個人 都帶住佢那一個‘最慘’的分手故事 

幸好大家已經成年 再不會激動到流淚眼望流淚眼

只是大家都寂寞 不願習慣‘一個人獨處’ 就聚埋一齊

mild的 就會純enjoy accompany, 有人在身邊 自己繼續連流於回憶中

hardcore的 就會鬥傷身 一個在2hrs內食晒包煙 另一個2hrs已經飲左2支紅酒

我變成了徘徊在中間的旁觀者 

我會為剛失戀的朋友感到痛心 擔心佢地幾時先可以回復過來

我會盡量去配合去陪伴 因為這過程一點都不易

我會去聆聽 同一個故事重覆說一千遍 然後就會不想再想 不想再說

我會感謝大家有相依的時光 但我更希望佢地好快唔駛再約我 又再熱戀過

慶幸 最後時間會把所有傷口治癒

做到旁觀者聽著朋友的故事 亦做了旁觀者看自己的故事
大方點 讓過去的過去 

只有難捱的深夜 沒有捱不過的晚上 right?

朋友 緣份未到不要緊 有我陪你等 :)

共勉之。

謝謝你來過

自從上次再撞返你 跟你一起的片段就好似舊電影重播一樣

記得你問我 點解唔可以珍惜一起的時間 唔可以嬲小陣 要你氹小陣
我答你 因為時間還有很多 我鍾意嬲因為我鍾意你氹
一轉眼 已經七年了

初相識的時候 見左你已經幾次 但你無一次記得我個名
名都記唔到 我點會諗到你會鍾意我
仲係SMS年代 一個月可以同你send到差不多3000個SMS
第一次dating 黑色波子接送 我仲以為自己發緊夢
每次見面 你都會帶給我很多驚喜
有次 你買左一條Dior的頸鍊給我 我收到的時候喊唔停
唔係感動唔係開心 係我嬲你仲乜可以揀一條我最唔鍾意的俾我 仲鬧爆你唔了解我.......
仲有次 我話天氣好好要食brunch曬太陽
結果 著住裇衫的你曬到出晒汗 仲被迫飲埋杯曬暖左的白酒.....

你為我做很多  物質 給我最好的 時間 給我最多的 愛情 給我最真的
之後 你亦成為左我搵男朋友的benchmark

我係一個好無自信的人 我唔相信幸福會晌我身上發生
每次我發脾氣 係要你remind我 你好愛我
我係一個好protective的人 就好似蜜蜂一樣
每次刺痛你 都理直氣壯說是為了保護自己
我係一個好敏感的人 一但你不在我身邊
我就會胡思亂想 傷心痛哭 自己給自己一場分手戲

2年，你的成熟讓我長大 令我變得更好
我跟你的相遇 相識 相知 相愛就好似搭地鐵
你在金鐘放我走 要我找一個比你更可以照顧我的人
兜了一圈 由紅色線轉到綠色線 又轉到藍色線跟你重遇
再遇 幸好像rush hour晌月台撞見趕時間的朋友 沒停下catch up
我怕你問我幾時結婚  我怕我令你失望 我仍然未找到那個會照顧我的人

再兜一轉 希望下次再見 我可以跟你說我找到幸福
謝謝你來過我的生命 跟我坐過幾個站
我期待 跟你再遇 回憶又可以重播一次




大豬 我終於明白 最美麗的不是結局。

打敗仗

這兩天 真的辛苦了

過去幾星期 自己跟自己抗衡
睡得小 吃得小 還要食煙飲酒 身體已經變弱 但習慣沒有改變
到這星期 想開了 吃多了 睡多了 就開始病了
還好會病 証明總有一天會康復

以前 我一定會dramatize說'失戀都捱過 為何生病卻捱不到'
那些歌 就是失戀的副產品 成功就是要讓你有共鳴
有共鳴又怎樣? 你就可以擺出一副可憐的姿態 蠃得朋友家人同事關心
這些 都係今次失戀才明白
而我繼續打blog，可能都係想得到睇blog的人的關心:P hahhahahhaa....

常常說要愛自己 連給身體適當的休息和正確的看待也沒有
真的愧對自己和愛我的人



好好的睡一覺 希望明天會轉好
明天一定要好轉 :)